МНР ги повикува македонските граѓани да не патуваат во Либан, Израел и ИранМнр ги повикува македонските граѓани да не патуваат во Либан, Израел и Иран

October 2, 2024
2 mins read

Блискиот Исток на раб на војна. Речиси 200 балистички ракети истрелани од Иран кон Изрел како одмазда за убиството на првите луѓе на Хезболах и Хамас.

МНР со апел до сите македонски државјани веднаш да го напуштат регионот пред ситуацијата целосно да излезе надвор од контрола. Амбасадата во Тел Авив е во контакт со израелските институции а меѓу жртвите и повредените, нема македонски државјани.

„Имајќи ја предвид влошената безбедносна состојба на Блискиот Исток, Министерството за надворешни работи и надворешна трговија, апелира до македонските граѓани да ги одложат патувањата кон Израел, Иран и Либан, додека државјаните кои се наоѓаат на територијата на овие држави да ги следат упатствата на локалните власти и движењето да го сведат на минимум.“ – МНР.

Небото над Тел Авив и Ерусалим неколку часа синоќа беше осветлено од експлозии. Низ целата земја се слушаа сирените за тревога а мнозинство од Израелците, засолниште најдоа во подземните бункери. Пријавено е едно починато лице на западниот брег а двајца израелци побарале лекарска помош. Железната купола на Израел, американската и британската морнарица и јорданската противвоздушна одбрана, спречиле голем број од ракетите да ја погодат својата цел. А додека иранските ракети летаа над Израел, во Тел Авив, состанокт на воениот совет.

„Режимот во Иран не ја разбира нашата решителност да се одбраниме и да се одмаздиме на нашите непријатели.  Синвар, Деиф и Насралах не ја разбраа пораката. Очигледно е дека и оние во Техеран не разбираат. Но ви ветувам дека ќе разберат.“ – изјави Бенјамин Нетанјаху премиер на Израел.

Иран пак најави уште посилен напад доколку САД, а пред се Израел, возврати. За претседателот Масуд Пезешкијан нападот морал да се случи за да се постигне мир во регионот. Иранската револуционерна гарда тврди дека истрелале преку 200 балистички ракети, од кои дел насочени кон воени бази околу Тел Авив…Според нивните проценки, дури 80 проценти ја погодиле целта.

„Ако ционистичкиот режим кој полуде, не биде ставен под контртола од САД и Европа, и сака да продолжи со злосторствата, или сака да наштети на нашиот суверенитет, ќе одговориме десет пати посилно од вечерашниот напад. Луѓето воопшто не беа цели, иако тоа беше лесно да се изведе.“ – изјави Мохамед Бегери началник на Генералштабот на армијата на Иран.

Ракетниот напад врз Израел наиде на осуда во меѓународната заедница, но херојски беше пречекан од палестински Хамас и од Хутите во Јемен. Генералниот Секретар на ОН, Антонио Гутереш го осуди ширењето на конфликтот на Блискиот Исток и побара прекин на огнот. Од Русија порачаа дека ситуација на Блискиот исток го покажала целиот неуспех на американската политика.

Од Белата Куќа пак со порака, остануваме со Израел и ќе продолжиме заедно да се браниме од сите идни напади. Во меѓувреме Израел ја засилува безбедноста на амбасадите ширум светот. Неколку инциденти утрово во близина на дипломатските преставништа во Европа. Данската полиција соопшти дека истражува две експлозии во близина на израелската амбасада во Копенхаген. Непознато лица пак почнало да пука кон конзулатот на Израел во Стокхолм..И во двата инциденти, нема повредени.

Нападите на Израелската авијација продолжуваат и денес. Повторно цел се позиции на Хезболах на Југот на Либан. Паралелно со авионите, и пешадиските единици пополека влегуваат во земјата.

Извор: 24vesti.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

35 000 странски туристи со чартер летови ќе доаѓаат во Скопје и Охрид – се очекува прилив од 50 милиони евра

Следно

Министерот Николоски на средба со извршниот директор на Визер, Јозеф Варади

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop