Младите од региониот, Балканот, живеат иста реалност. Се соочуваат со исти или слични проблеми, учат во слични училишта, пешачат по исти улици, одат во слични болници. Се соочуваат со бројни предизвици и коментари од општеството, властите, а заслужуваат подобри градови за вмрежување, творење, дејствување. За креирање подобро општество се одржа и регионалната конференција „Младите се сила на Балканот“, поддржана од Фондот за Западен Балкан.
Младите од Западен Балкан усвоија Декларација која се фокусира на создавање младински совети со јасни и аполитични мандати на сите нивоа на власт, кои ќе се користат за претставување на гласот на младите и активно вклучување во процесите на донесување одлуки. Вокациското образование и обука, односно признавање на важноста од инвестиции во вокациско образование и обука за младите, со цел обезбедување подобри можности за вработување, младински услуги за здравје: Барање за обезбедување на отворен пристап до услуги за ментално, сексуално и репродуктивно здравје, дизајнирани од самите млади. Развој на културни програми кои активно ќе ги вклучуваат младите, со посебен акцент на инклузијата на маргинализираните групи на млади. Еколошко вклучување-барање за итно и значајно вклучување на младите во еколошки иницијативи и акција за климатски промени, како и регионална соработка и ангажман на младите-повик до владите на земјите од Западен Балкан за создавање на буџети за младински иницијативи и програми и поттикнување на ефективна имплементација на политиките во сите овие сектори.
Младите со јасен став-загадениот воздух и корупцијата не познаваат граници и младите имаат што да предложат со цел подобро општеството иако од владите од Западен Балкан не добиваат значајно внимание и простор. Потенцираат дека вклученоста на младите во политиките е токенистичко.
„Политичарите во целиот регион на ист начин ги перцепираат младите, како некој популистички проект, каде шо ќе разговараат, ќе ги вклучат. Во суштина младите не учествуваат многу во креирањето на политиките. Можеби има минимални разлики, во една или во друга држава, меѓутоа суштината, преиспитувањето на корумпираниот систем којшто постои во сите овие четири држави, невозможно е од страна на младите. Младите мора да бидат активни, постојано да го преиспитуваат постоечкото и да се борат заедно да ги постигнат промените и да ги споделуваат искуствата.“ – Борјан Ефтимов младински активист.
Потенцираат дека само преку заеднички напори, може да се постигне посакуваната цел. Преку Декларација се потврдува потребата од активно вклучување на младите во креирањето на иднината на Западен Балкан. Ги повикаа владите да обезбедат ресурси за имплементација.
Конференцијата беше дел од регионалниот проект „Зајакнување на младите за демократска и одржлива иднина на Западен Балкан,“ поддржан од Фондот за Западен Балкан.
Извор: 24vesti.mk
