Мицотакис го поздрави напредокот во разговорите меѓу САД и Украина и порача дека сега Русија мора да одговори

Грчкиот премиер Кирјакос Мицотакис доцна синоќа, преку платформата Икс го коментираше напредокот во разговорите меѓу САД и Украина, истакнувајќи дека е значаен чекор кон мир за Украина и посочи дека сега Русија мора да одговори, јави дописничката на МИА од Атина.

– Го поздравувам напредокот постигнат во разговорите САД – Украина и најавата за предложен прекин на огнот. Ова е значаен чекор кон сеопфатен, праведен и траен мир за Украина. Сега Русија мора да одговори, напиша Мицотакис на Икс.