Претседателот на ВМРО-ДПМНЕ Христијан Мицкоски во емисијата 24 анализа рече дека е отворен за средба со сите партии, вклучително и Левица.
– Нездраво е и неодговорно во политиката да ги затворите вратите за комуникација со другите партии. На македонската политичка сцена во последно време се прават таков тип на “непринципиелни коалиции“. Тие кои ја анатемизираат Левица на локално ниво во советите се во коалиција со неа. Тука пред се мислам на ДУИ и СДСМ. Би било лицемерно и дволично од моја страна да кажам дека ја затворам вратата за Левица, а утре да гласаме за некои одлуки. Мислам дека треба да сме мудри и трпеливи. – рече Мицкоски.
Извор: 24vesti.mk
