Владата за следната го одложи донесувањето на одлука какви мерки ќе преземе за ублажување на високите цени. Во вторникот министерството за економија доби задолжение да направи листа од 100 групи производи чија маржа ќе биде замрзната до 10%, до крајот на април, но одлука не беше донесена поради реакциите од трговците кои рекоа дека тоа ќе доведе до отпуштање на вработени и затворање маркети.
Владата се повлече, а во петокот, беше ормирана нова комора на трговци која веднаш предложи наместо да се замрзнуваат маржите на над илјада производи, да се направи листа од стотина продукти кои најчесто се користат и нивните цени или маржи да се намалат во договор со производителите и дистрибутерите. Според информациите, оваа листа се уште се работи и утре ќе ја пратат на разгледување во Владата.
Тоа го потврдува сомневањето меѓу граѓаните и експертската јавност дека Владата е во некаква „колиција“ со трговците.
„Неспособноста на Владата на Мицкоски ја турка земјата во економска криза и граѓаните сo право се загрижени. Политиките на кошнички доживеаја тотален дебакл а власта нема одговор на растечката скапотија и сирoмаштија. Иако Владата уште во вторникот најави замрзнувањето на маржите, оваа недела измина а одлуката не е донесена. Очигледно, интересот на бизнис елитата за владата е поважен од тоа да ги заштити граѓаните“, оценуваат од СДСМ на прес конференцијата на која се обрати потпретседателката на СДСМ Каја Шукова.
Според информациите на ТВ Телма, трговците предложиле листа од 140 производи за поевтинување чии маржи ќе се ограничат од 3 до 15 отсто, но од 22 март до 22 април, со што би се покриле верските празници.
ИЗВОР: racin.mk
