Актуелниот освојувачот на ракометниот Европски куп македонскиот тим Алкалоид ги одработува подготовките за новата сезона.
Во ланската еден од најмладите беше Дамјан Митев, а така ќе биде и во претстојната, но тоа нема да биде пречка за него особено што имаше клучни моменти и на важни натпревари.
– Задоволен сум многу од екипата, имаме добра хемија, се бориме еден за друг, а подготвките течат најдобро. Оваа нова сезона нѐ чека тежок предизвик. Во Лига Европа во квалификациите ќе играме двомеч со бундеслигашот Хановер. Првиот дуел е на гости на 31.август, но ќе се бориме и нема да се откажеме. Седум дена потоа следува реваншот во Скопје и ќе треба да се покажеме во најдобро светло пред нашата публика. Воедно Суперлигата (домашната лига) ќе биде една од посилните и поквалитетна од претходните сезони. Очекуваме високи резултати, изјави Дамјан Митев.
Алкалоид се наоѓа на подготовки во Маврово, а по неколку дена екипата ќе почне и соодигрување на контролни натпревари.
Извор: kurir.mk
