Министерот за одбрана, Владо Мисајловски оствари средба со заменик-командантот на Командата на здружените сили на НАТО во Неапол, генерал-потполковник Питер К. Скот.
На средбата, објави министерот, изразил благодарност за континуираната поддршка од страна на JFS Naples за македонските контингенти ангажирани во НАТО-предводените мисии и операции.
-Македонската Армија продолжува со активен и видлив придонес во НАТО операциите, преку учество во командни структури и мултинационални сили, како и преку ангажман во рамки на колективната безбедност на Алијансата, особено на источниот дел од НАТО, истакнува Мисајловски.
Извор: kurir.mk
