Човек на одлука со својот гол во финишот од натпреварот беше напаѓачот кој го носи дресот на Абердин, Бојан Миовски. Миовски е среќен што добрата форма од Абердин успеа да ја пренесе и во националниот тим.
„Среќен сум за придонесот во репрезентацијата и тоа што формата и головите ја пренесов во националниот тим со асистенција со Малта и денеска со гол против Фарски Острови. Против Малта беше важно да ги освоиме трите бода и со победа да ги започнеме квалификациите за Европското првенство. Денеска беше одличен тест и за дебитантите и сите ние да се наметнеме за јунските натпревари. Во репрезентаијата можеме да се наметнеме само преку минутажа во клубовите и само со тимска игра можеме да очекуваме успех не само во квалификациите, туку и на секој натпревар“, вели Миовски.
Фудбалерите сега се враќаат во своите клубови до новиот циклус квалификациски натпревари кој е на програмата во јуни.
ИЗВОР: kurir.mk
