Местоположбата на Струга помага за пониски концентрации на ПМ честички во воздухот, но често се над дозволеното

January 28, 2025
1 min read

Вистинска среќа е што местоположбата на Струга и Охрид е таква што струењето на воздухот од север, во попладневните часови и во текот на ноќта, не дозволуваат високи концентрации на ПМ честичките, смета Никола Кукунеш асистент на проектот „Воздухот на граѓаните“. 

Според него, квалитетот на воздухот во Струга некои денови е на незавидно ниво, а ПМ2.5 честичките достигнуваа два до четири пати над дозволената граница. Мерните станици во Струга, изминатиот викенд, кога градот беше зафатен од густа магла покажуваа вредности меѓу 180 и 220 микрограми ПМ2.5 честички.

– Но, во денови кога нема нормално струење, кога процентот на влажност на воздухот е повисока и кога воздушниот притисок е низок сфаќаме дека нивото на загаденост е иста како во поголемите градови и неколку пати ги надминува максимално дозволените вредности. Таков беше случајот и пред неколку дена кога маглата и слабото воздушно струење придонесоа ПМ2.5 честичките да скокнат два до четири пати над максимално дозволената граница, вели Кукунеш.

До загадувањето, нагласува, доаѓа од загревањето на домовите со огревно дрво, со ќиумур и со фосилни горива. 

– Сите идни планови за намалувањето на загадувањето на воздухот ќе треба да нудат алтернативни начини на греење. Со оглед на ниската економската моќ на граѓаните своја стратегија ќе треба да понудат и локалната и централната власт, смета Кукунеш.

Дека најголеми загадувачи на воздухот во Струга се сообраќајот во летниот и согорувањето на огревното дрво во зимскиот период покажаа и анализите во лабораторијата при Универзитетот „Гоце Делчев“ од Штип направени во рамките на проектот „Справување со загадувањето на воздухот“.

Квалитетот на воздухот во Струга прв пат почна да се мери од декември 2023 година со поставување мерна станица во средното училиште „Нико Нестор“ преку проект на Универзитетот „Гоце Делчев“ од Штип. Потоа беа поставени уште 20 мерни уреди за следење на квалитетот на амбиенталниот воздух, во рамките на проектот „Воздухот на граѓаните“ што го реализира ИПО „Крсте Јон“, како дел од проектот „Справување со загадување на воздухот“, кој е дел од програмската рамка на УНДП, финансиран од Шведска.

Извор: 24vesti.mk

MARKETING

MARKETING

MARKETING

Претходно

Министерот за надворешни работи на Туркије, Фидан, се сретна со саудискиот колега Бин Фархан

Следно

Невреме и поплави во Италија

Latest from Blog

Димитриеска-Кочоска: Водиме внимателна политика и ги контролираме трошоците, намален јавниот долг

Владата води многу внимателна политика во насока на контролирање на трошоците, на буџетскиот дефицит и јавниот долг и таа заложба се покажа преку намалување на државниот долг, а соодветно на тоа и

ФИФА официјално потврди ново правило кое е поврзано со голманите

Меѓународниот одбор на фудбалските асоцијации (ИФАБ), тело кое е задолжено за фудбалските правила, и официјално потврди дека од следната сезона се воведува ново правило кога се работи за голманите. Тие ќе смее

КСОМ реагира на високите сметки за струја: Грабежот мора да престане

Конфередерацијата на синдикални организации на Македонија (КСОМ), денеска испратија апел до Владата и до Министерството за енергетика да преземат мерки за високите сметки за електрична енергија кои граѓаните ги добиваат. Првиот човек

„Ди-Џеј Ахмет“ на Унковски, лауреатот на „Санденс“, веќе е продаден во 15-тина земји

Долгометеражниот првенец на Георги Унковски „ДиЏеј“, кој на фестивалот на незвисен филм беше овенчан со две награди – на публиката и на стручното жири со наградата за креативна визија, веќе е продаден
afsqamarhyazeubebnbsbgcacebnyzh-CNzh-TWcohrcsdanleneoettlfifrfyglkadeelguhthahawiwhihmnhuisigidgaitjajwknkkkmkokukylolalvltlbmkmgmsmlmtmimrmnmynenopsfaplptparorusmgdsrstsnsdsiskslsoessuswsvtgtatethtrukuruzvicyxhyiyozu
Go toTop