Германскиот канцелар Фридрих Мерц се залага замрзнатите руски средства во Европа да се користат за стекнување средства за одбраната на Украина, објави „Фајненшл тајмс“.
„Европската унија би можела да ѝ даде на Украина бескаматен заем во износ од 140 милијарди евра, а замрзнатите руски средства во Европа би послужиле како гаранција“, напиша германскиот канцелар Фридрих Мерц во коментар за „Фајненшл тајмс“.
Украина, како што рече Мерц, би го вратила заемот само откако Русија ќе ја надомести штетата предизвикана од војната. Така, ЕУ би ја финансирала помошта за Украина со заем, а не од националните буџети како што правеше досега, а средствата на Руската централна банка блокирани во Белгија би послужиле како депозит.
Во исто време, Мерц нагласи дека се спротивставува на запленувањето на руските средства бидејќи тоа би го прекршило меѓународното право.
Извор: tv21
