Градоначалникот на Општина Чаир и копретседател на ВЛЕН, Изет Меџити, по повод Курбан Бајрам упати честитка до верниците, нагласувајќи дека празникот носи пораки за вера, солидарност и меѓусебна грижа.
„Во денот на Курбан Бајрам, застануваме за миг за да се потсетиме на вредностите што му даваат смисла на животот: верата, жртвата, добрината и грижата за еден со друг. Овој ден нè потсетува дека најголемата сила на човекот се наоѓа во раката што помага и во душата што прави добро“, порача Меџити.
Тој на крајот им го честиташе празникот на сите граѓани кои го одбележуваат Курбан Бајрам, посакувајќи мир, здравје и благосостојба.
