Министерот за животна средина и просторно планирање, Изет Меџити, донесе одлука за итно затворање на депонијата за комунален отпад во Никуштак, општина Липково.
Во соопштението од Министерството се наведува дека мерката е донесена за заштита на животната средина, како и за животот и здравјето на граѓаните, бидејќи постоечката локација не ги исполнува еколошките стандарди.
„Одлуката е донесена во согласност со законот за државна администрација и законот за животна средина, почитувајќи го принципот на висок степен на заштита и превенција од штетни последици. Наредбата стапува на сила веднаш“, се вели во соопштението.
Со оваа мерка, Министерството јасно го нагласува својот ангажман за одржлива и безбедна животна средина и превенција од ризици за граѓаните.
