ТИРАНА (АА) – Претседателот на Франција, Емануел Макрон, престојува во официјална посета на Албанија, а со државна церемонија беше пречекан од претседателот на Албанија, Бајрам Бегај, јавува Анадолу.
Официјалната церемонија со воени почести се одржа во седиштето на Претседателството на Албанија, а присуствуваа и други претставници од двете земји.
По церемонијата, средбата меѓу двајцата претседатели се одржа без присуство на медиуми.
За време на посетата, премиерот на Албанија, Еди Рама, и претседателот Макрон ќе потпишат договор за соработка меѓу двете земји.
Оваа посета на Макрон е прва посета на француски претседател на Албанија.
