Македонија ќе биде „земја во фокус“ во рамки на јубилејниот 30. Фестивал на европскиот филм Палиќ, кој ќе се одржи од 15 до 21 јули, во Палиќ и Суботица.
Притоа ќе бидат прикажани шест филма: „Чисто човечки“ на Игор Иванов, „Најсреќниот човек на светот“ на Теона Стругар-Митевска, „Исцелител“ на Ѓорѓе Ставрески, „Мими“ на Даријан Пејовски, „Снежана на крајот умира“ од Кристијан Ристески и „Сестри“ од Дина Дума. Филмовите ќе се проектираат во временскиот период, од 16 до 21 јули, а програмата се реализира во соработка со македонската Агенција за филм.
Европскиот филмски фестивал Палиќ е моментално еден од најважните настани во Србија, еден од најважните филмски фестивали во регионот и еден од ретките во светот со 100-процентна европска содржина. Фестивалот има за цел да ги претстави најквалитетните достигнувања на современата европска кинематографија и да ја негува традицијата на авторскиот и уметничкиот филм со цел да придонесе за културниот живот на целиот регион. На овогодишното издание на фестивалот се очекуваат над 150 филмски професионалци од Србија и од странство.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
