Мајк Пенс официјално влезе во трката за Белата куќа

June 5, 2023
2 mins read

Пенс е само еден од кандидатите од редовите на републиканците кои влегуваат во претседателската трка. Тие ќе бијат внатрепартиска битка за да ја освојат номинацијата на партијата и во наредните месеци ќе водат кампања и ќе се соочуваат на ТВ-дебати. Првичните внатрепартиски избори ќе почнат во февруари 2024, а оној што ќе има најмногу поддршка, на изборите во ноември следната година ќе се соочи со кандидатот на демократите, кој веројатно ќе биде актуелниот претседател Џо Бајден

Мајк Пенс и Доналд Трамп / Фото: EPA-EFE/Sarah Silbiger

Поранешниот потпретседател на САД, Мајк Пенс, официјално ги поднесе документите за да им се приклучи на останатите републиканци во трката за претседателските избори во 2024 година.

63-годишниот Пенс треба официјално да ја започне кампањата со видеоспот и говор на настан во градското собрание во Ајова.

Со ова Пенс директно му се спротивставува на Доналд Трамп во чиј мандат (2017-2021) тој ја извршуваше потпретседателската функција.

Засега, Трамп убедливо води во анкетите, додека повеќето испитувања на јавното мислење го сместуваат Пенс на третото место со едноцифрен процент на поддршка, пишува Би-би-си.

Пенс е поранешен гувернер и конгресмен од Индијана, себеси се опишува како „христијанин, конзервативец и републиканец“. Тој му беше непоколебливо лојален на Трамп во поголемиот дел од нивните четири години поминати на функции, но се дистанцира од својот шеф по немирите и упадот во Конгресот во јануари 2021 година.

Трамп тогаш вршеше притисок врз Пенс да ја поништи изборната победа на Џо Бајден со оглед дека тој како тогашен потпретседател претседаваше со седницата на која се потврдија резултатите од изборите и победата на Бајден. Тогаш, експретседателот го обвини потпретседател дека му недостасува храброст, а многу приврзаници на Трамп за време на упадот скандираа против Пенс и го сметаа за предавник.

Кои се другите кандидати од редовите на републиканците

Пенс е само еден од кандидатите од редовите на републиканците кои влегуваат во претседателската трка.

Главниот ривал на Трамп и второпласиран на анкетите е актуелниот гувернер на американската сојузна држава Флорида, републиканецот Рон Десантис.

Неделава кандидатурата треба да ја официјализираат и актуелниот гувернер на Северна Дакота, Даг Бургум, и поранешниот гувернер на Њу Џерси, Крис Кристи, кој е поранешен соработник на Трамп, односно му беше советник во кампањата за изборите во 2016 година, но во последните месеци од мандатот стана негов жесток критичар.

Во трката се и сенаторот од Јужна Каролина, Тим Скот, како и поранешната гувернерка на оваа сојузна држава, Ники Хејли, која беше и амбасадорка на САД во Обединетите нации (ООН).

Што ќе се случува следно

Првично, кандидатите ќе водат внатрепартиска битка за да ја освојат номинацијата на партијата. Во таа битка, наредните месеци тие ќе водат кампања и ќе се соочуваат на ТВ-дебати, а изборите во секоја држава ќе започнат во февруари следната година. Личноста која ќе има најголема поддршка ќе биде номинирана за републикански кандидат за изборите на партиска конвенција летото 2024 година.

Победникот кај републиканците веројатно на изборите во ноември 2024 година ќе соочи со Џо Бајден, кој со оглед дека најави кандидатура за реизбор, како актуелен претседател има најголеми шанси за освојување на номинацијата од демократите.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ФФМ: Билетите за дуелот со Украина од денеска во продажба

Следно

(ВИДЕО) Власта најави ветинг, ама не се знае ниту кој ќе проверува ниту кого ќе проветрува

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop