Маестралните „Голдберг варијации“ во изведба на пијанистот Дино Имери во среда

December 2, 2024
1 min read

Едно од најпознатите дела на музичкиот гениј Јохан Себастијан Бах, неговите „Голдберг варијации“, ќе прозвучат на 4 декември (среда) во Културно-информативниот центар (Салон 19,19) во 20 часот, во изведба на нашиот истакнат пијанист Дино Имери.

Концертот наречен „Кодот на Бах“ е поддржан од Министерството за култура и туризам на Северна Македонија, а покрај овој централен настан, маестро Имери во соработка со Германската амбасада во Скопје реализира таканаречена „Недела на Бах“ со стручни предавања и работилници за деца.

Влезот за концертот е слободен.

Инаку, „Голдберг варијациите“ се споменик во целокупната западна класична музика. Икона што секој треба да ја чува во срцата и во умот, не само затоа што во нив е сокриена една прекрасна идеја на Јохан Себастијан Бах (1685-1750) за тоа како треба да звучи музиката, туку и денес се репер за нешто возвишено, нешто што ретко кој го можел и може да го достигне. Ова дело го опишуваат како Рубикова коцка – инвенција и архитектура во совршено единство. Во поново време, варијациите повторно станаа актуелни по фасцинантната изведба на маестралниот канадски пијанист Глен Гулд.

„Голдберг варијациите“ се составени од 30 варијации и една орнаментирана Арија, чија бас-делница и хармонска прогресија е придвижувач на варијациите. Снимката на „Голдберг варијациите“ од 1955 година во изведба на Глен Гулд, го променила начинот на размислување за тоа како се доживувало ова дело. Јохан Себастијан Бах создал магија од музика. Целото негово творештво е неповторливо и уникатно, но „Голдберг варијациите“ се центарот на неговиот свет. Тие се сон за секој пијанист. Со право се смета за едно од најгенијалните и најкомплексните дела на Бах, во кое се покажува неговиот талент за хармонија, контрапункт и виртуозност.

Дино Имери (1990) е еден од најреномираните македонски пијанисти. Со огромен успех настапува на престижните сцени низ светот како гостин на врвни оркестри, како рецитален уметник и како камерен музичар. За него француската критика ќе напише: „Дино Имери – магионичар на пијаното..“ (Magazine, OPS), а неговите уметнички креации не ја оставаат рамнодушна публиката на неговите концерти. Настапувал со Стразбуршкиот филхармониски оркестар, Софиската филхармонија, Македонската филхармонија, Симфонискиот и Камерниот оркестар на ФМУ – Скопје, Оркестарот на Националната опера и балет… Добитник е на бројни награди и признанија: „Виртуози“ за млад музички уметник, „Св. Мајка Тереза“ за хуманост, Лауреат на Фондацијата „Томислав Зографски“, „Златна Бубамара на популарноста“, ранг во десетте најдобри млади европски пијанисти според „3eme Concours européen de piano“ – Normandie и др. Имери се потпишува на повеќе изданија за престижни дискографски куќи, бележи успеси и како композитор, пишувајќи музика за филм, театар, инструментална и вокална музика. Со своето образование се стекнува во ДМБУЦ „Илија Николовски-Луј“ (класа на проф. Људмила Романова), дипломира со високи почести на ФМУ-Скопје (класа на проф. Борис Романов), а магистрира со високи почести и просек 10,00 на ФМУ-Скопје (класа на проф. Симон Трпчески). Од 2018 година, Имери предава на Факултетот за музичка уметност во Скопје.

ИЗВОР: racin.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Единствена опција на Дамева беше да си даде оставка, велат од Владата

Следно

ДКСК примила претставка за директорката на АР – дали наводите се точни или не, ќе утврдува Сиљановска Давкова

Latest from Blog

Коњановски: Силниот ветер остави последици во Битола, службите го расчистуваат теренот

Три лица се повредени, неколку автомобили се оштетени, а околу 20 паднати дрвја се пријавени по силниот ветер што од синоќа ја зафати Битола. Градоначалникот Тони Коњановски, кој попладнево бил на терен

Од запуштен простор до уреден градски парк: Општина Прилеп и „Комуналец“ реализираа нов проект

Просторот пред спортската сала „Македонија“ во Прилеп доби целосно нов изглед по реализираните активности за реконструкција, уредување и обновување на паркот и урбаната опрема. Некогаш запуштената ливада сега е претворена во уредено

Електричната иднина зависи од бакарот – потребни се 332 милијарди долари за нови рудници

Електричните автомобили, обновливите извори и индустријата ја зголемуваат побарувачката, а недостигот на бакар може да трае со децении Преминот кон електрична енергија и почист транспорт отвора нов предизвик за светската економија –

Коњановски: Столици се поставуваат за минути, градот се гради со секојдневна работа

Градоначалникот на Битола, Тони Коњановски, реагираше на герила-акцијата со бели столици поставени пред општинската зграда, на кои биле испишани имиња на проекти потребни за градот. Тој порача дека на столиците недостасувала важна

Од Валенсија и Кожани до Битола: Меѓународна соработка за посигурно водоснабдување

ЈКП „Водовод“ – Битола информира дека било домаќин на претставници од Политехничкиот универзитет во Валенсија, Шпанија, и Универзитетот на Западна Македонија во Кожани, Грција, во рамките на меѓународниот проект WATERVILL, кој го
Go toTop