ВО големата пресметка и дербито на колото во Лигата на шампионите, Манчестер Сити славеше во мадрид против реал со 1.2 и ја продлабочи кризата кај „кралевите“. Иако почнаа добро и поведоа со голот на Родриго, домашните дозволија гостите од скоро никакви шанси да дојдат до целосен пресврт. Напрво по еден карамбол во шеснаесетникот, О’Рајли израмни на 1:1, а потоа дојде и еден ВАР-пенал за момците на Гвардиола, кој Халанд го претвори во предност од 1:2. Иако со овој резултат се замина на пауза, во вториот дел не видовме гол. Реал имаше иницијатива, неколку зрели шанси, но Донарума не дозволи да биде совладан.
Европскиот шампион ПСЖ одигра 0:0 на гостувањето кај Атлетик (Б) и не успеа да се искачи при самиот врв на табелата во ЛШ. Момците на Луис Енрике имаа шанси, но не успеаја ниту еднаш да го матираат домашниот голман Унаи Симон.
Лидерот во Премиерлигата, Арсенал, одигра нов моќен натпревар. На гостувањето во Белгија, избраниците на Микаел Артета сигурно со 0:3 го победија Бриж и ја запишаа шестата победа сезонава во ЛШ со што останаа единствениот тим кој има максимален ефект во досегашниот дел од натпреварувањето. Мадуеке постигна два гола, а еден беше дело на Мартинели во убедливата победа на Англичаните.
Наполи на нашиот Елиф Елмас одигра лош меч на гостувањето во Лисабон кај Бенфика. Домашните сосема заслужено победија со 2:0, а со оглед на шансите резултатот можеше да биде и многу поубедлив. Елмас беше стартер и остана на теренот до 80. минута. Головите за победа на Бенфика ги постигнаа Риос и Бареиро, по еден во двете полувремиња.
Јувентус иако беше голем фаворит на дуелот со Пафос, прописно се намачи за да дојде до победата. По нерешените 0:0 на полувреме, домашните конечно поведоа со голот на МекКени во 67. минута, па само 5 минути подоцна со голот на Дејвид, „Старата Дама“ ја потврди победата и трите бода.
Борусија (Д) не успеа да слави на домашен терен против Бодо. Иако водеа двапати, Германците на крајот останаа со еден бод. Јулијан Бранд ги постигна двата гола за домашните, додека реми за Бодо донесоа Алесами и Хауге.
Четири гола и реми имаше и на вториот меч во Германија вечерва. Таму Баер (Л) и Њукасл завршија со идентични 2:2, со таа разлика што домашните поведоа со голот на Андрих, па со головите на Гордон од пенал и оној на Мајли гостите дојдоа до пресврт. Реми за домашните донесе Грималдо во последните десетина минути на мечот.
Извор: vecer.mk
