Премиерлигашот Ливерпул в недела може и теоретски да ја обезбеди шампионската титула, што за тимот од
„Енфилд Роуд“ би била 20 титула, колку што има освоено и Манчестер јунајтед.
На шест кола до крајот, Ливерпул е прв на табелата со 13 бодови повеќе од второпласираниот Арсенал и може да ја освои титулата овој викенд, доколку го победи Лестер на гостински терен, а Ипсвич претходно триумфира над Арсенал.
Тренерот на Ливерпул Арне Слот денеска изјави дека не размислува дали неговиот тим ќе ја освои титулата во Премиер лигата овој викенд.
„Искрениот одговор е дека не размислувам, но не сум сигурен дали ми верувате“, рече Слот на прес-конференција.
„Не гледам многу наназад и не гледам многу напред, таков сум јас. Воопшто не размислувам за тоа“, додаде Слот.
Доколку успее, ќе им се придружи на малиот број тренери кои ја освоија шампионската титула во Премиер лигата во првата сезона во клубот.
Ова претходно го направија Жозе Мурињо (Челзи, 2024/2025), Карло Анчелоти (Челзи, 2009/2010), Мануел Пелегрини (Манчестер Сити, 2013/2014), Клаудио Раниери (Лестер, 2015/2015) и Антонио Конте (Челзи 2016/2017).
Извор: kurir.mk
