Лидерите на ЕУ не се договорија за челниците на институциите на Унијата

June 18, 2024
2 mins read

Лидерите на Европската унија (ЕУ) на состанокот на 17 јуни не успеаја да се договорат за именување на нови шефови на европските институции.
Недостигот на договор го потврди и претседателот на Европскиот совет во заминување, Шарл Мишел.
„Наша должност е до крајот на јуни да ги договориме кандидатите за врвни позиции во ЕУ и стратешката агенда“, рече Мишел на крајот од работната вечера на европските лидери.

Се сметаше дека ова ќе биде меѓу полесните самити на ЕУ.
Шефовите на држави и влади требаше начелно да се договорат за имињата за кои веќе имаше неформален договор.
Сепак, сè се промени кога лидерите на тие земји или влади, кои доаѓаат од европскиот народен блок, побараа удел во функцијата претседател на Европскиот совет.
Претседателот на Европскиот совет го избираат лидерите на ЕУ за период од две и пол години, а мандатот може да се обнови само еднаш.
Откако постои институцијата Претседател на Европскиот совет, секој од нив помина низ два целосни мандати од вкупно пет години на чело на институцијата.
Според повеќе извори од средбата, Европската народна партија побарала мандатот на претседателот на Европскиот совет да се подели на два дела од по две и пол години, при што, Народната партија ќе добие еден од мандатите.
Се чини дека ова било главен камен на сопнување и причина да не дојде до договор на челниците.
Доколку се исполнат барањата на Народните партии за преполовување на мандатот на претседателот на Европскиот совет, тоа би било на штета на социјалдемократите, втората по големина партија во ЕУ, која потоа би останала без ниту една клучна функција во институциите по две и пол години.

Во принцип, лидерите требаше да се договорат за целиот пакет: името на шефот на Европската комисија, Европскиот совет и високиот претставник на ЕУ за заедничка надворешна политика и безбедност.

На масата имаше три имиња; Урсула фон дер Лајен, која се надеваше на реизбор за шеф на Европската комисија, поранешниот португалски премиер Антонио Коста за претседател на Европскиот совет и естонската премиерка Каја Калас за нов шеф на европската дипломатија.

Имињата претставуваа политичка и географска рамнотежа. Германката Фон дер Лајен е член на Европската народна партија, Португалецот Коста е социјалдемократ, а Естонецот Калас доаѓа од групата либерали.
Ова се трите партии кои добија најмногу гласови на европските избори.
Дискусиите, лидерите ќе ги продолжат на крајот на следната недела кога ќе се одржи редовниот самит на ЕУ на 27 и 28 јуни.

Улогата на претседателот на Европскиот совет е да претседава со состаноци на ниво на лидери на ЕУ и да ја подобрува работата на Советот.
Претседателот ги обезбедува подготовките на состаноците на Европскиот совет и континуитетот на нивната работа и помага да се олесни кохезијата и консензусот.
Високиот претставник на ЕУ за заедничка надворешна политика обично има двојна улога. Тој е еден од потпретседателите на Европската комисија, а има и улога на шеф на европската дипломатија.
Ова лице раководи со заедничката надворешна и безбедносна политика на ЕУ.

Со своите предлози придонесува за обликување на заедничката надворешна и безбедносна политика и обезбедува спроведување на одлуките донесени од Европскиот совет и Советот на ЕУ.
Исто така, работи на градење консензус меѓу земјите-членки на ЕУ и нивните соодветни приоритети, вклучително и претседавање со состаноци меѓу министрите за надворешни работи на ЕУ, министрите за одбрана, министрите за трговија и развој.
Овие задачи во претходните пет години ги извршуваа Шарл Мишел, поранешен премиер на Белгија и Жозеп Борел, поранешен министер за надворешни работи на Шпанија.

Извор: slobodnaevropa.mk

VERO JUMBO MACEDONIA

EVN MACEDONIA

MARKETING

Претходно

Дневен хороскоп за вторник, 18-ти јуни 2024-та

Следно

Илјадници Израелци протестираа против Владата на Нетанјаху, бараат размена на заробеници со Хамас

Latest from Blog

Како да цепи дрва- девојка со секира го нападнала своето момче на спиење, при апсењето се смеела

Жена од Северна Дакота е обвинета дека се обидела да го убие своето момче додека спиел, користејќи секира, а еден сведок рекол дека звучело како да „сече дрва“ додека го „удирала“ по

Светскиот шампион со Франција на 31 година замина во пензија

Поранешниот француски фудбалски репрезентативец Самуел Умтити објави дека ја завршува својата играчка кариера, објави францускиот весник „Л’Екип“. Умтити (31) објави на социјалните мрежи дека одлучил да ја заврши својата играчка кариера, откако

Американската војска нападна брод од Венецуела: Трамп итно се огласи – има мртви

Американскиот претседател Доналд Трамп објави дека американската војска извршила повторен напад врз брод за кој постоеле сомнежи дека превезувал дрога од Венецуела, при што загинале три лица. Трамп ја сподели информацијата преку

Над 30% од граѓаните сметаат дека ВМРО-ДПМНЕ најдобро се справува со локалните проблеми

Институтот за политички истражувања Скопје, за потребите на МРТ подготви анкета за локалните избори за актуелните општествени случувања и за рејтингот на политичарите и партиите. Од резултатите презентирани вечерва во емисијата „Објектив“,
Go toTop