Службата за општи и заеднички работи на Владата склучила милионски договори за владините функционери со скапи деликатеси, тврдат од Левица.
Реагираат дека наместо веднаш да го прифати предлогот на Синдикатот за минимална плата од 500 евра, владејачката коалиција ДПМНЕ-ЗНАМ-Вреди избрала да троши народни пари на егзотични овошја и храна која е недостижна за обичниот работник: папаја, аспарагус, манго, ананас, авокадо, леб од по 100 до 440 денари.
Во исто време, потсетуваат дека трошоците за живот вртоглаво растат – синдикалната кошничка за јануари 2025 година е зголемена за 6 000 денари, а храната поскапена за 10,43%.
Од Левица велат ако Владата не го прифати предлогот на Синдикатот тие ќе поднесат законско решение за зголемување на минималната плата.
Извор: 24vesti.mk
