НЕВШЕХИР (АА) – Бројот на луѓе што резервирале летање со балон на топол воздух над познатиот турски регион Кападокија достигна рекордно високо ниво од 583.063 во период меѓу јануари и октомври оваа година, јавува Анадолу.
Кападокија, место што е ставено на списокот на УНЕСКО, е позната по историското значење и природната убавина и една од најбараните туристички активности таму е летање со балон на топол воздух.
Во текот на 182 дена оваа година, кога беа поволни временските услови, над 583.000 туристи уживаа во летањето со балон, што претставува нов рекорд – зголемување од 74.882 во споредба со вкупно 508.181 туристи во 2022 година.
Во истиот деветмесечен период во 2023 година со балон летале 473.396 луѓе.
„Во деветмесечниот период во Кападокија повеќе од 580.000 домашни и меѓународни посетители учествуваа во тури со балони“, рече Мехмет Динлер, раководител на локалната служба за тури со балони.
„Кога ги споредуваме овие податоци, гледаме дека ги достигнавме највисоките бројки. Верувам дека ќе ја надминеме годишната цел од 700.000 патници“, вели тој.
„Во нашиот регион се одвиваат летови со балони многу години, а интересот продолжува да се зголемува секоја година. Добредојдени се гости од целиот свет. Годинава имаше поголем интерес од претходните години. Кападокија е светски центар за балон на топол воздух. Луѓето го знаат тоа“, рече Толга Еке, лице што управува со балон на топол воздух.
Извор: Anadolu Agency (AA)
