реклама
По Чаир, премиерот на Косово отпатува во Тетово каде беше пречекан од градоначалникот Биљал Касами. Потоа го посетија селото Вejце за промовирање на идејата за поврзување на Тетово со Призрен со регионален пат. Касами посака и владата на РСМ да се заземе за овој проект за кој рече дека има физибилити студија а додаде дека ниту локалната власт нема да седи со скрстени раце.
Курти потсети дека делницата која ги поврзува двата града е договор потпишан од двете влади, на Косово и Македонија, затоа побара работите да почнат што побрзо. И овде присутни беа претседателот на Демпкратското движење Изет Меџити и на Алтернатива, Африм Гаши. Лидерите на други партии и други владини функционери не беа присутни. На крај не беа дозволени прашања за новинарите.
реклама
„Делницата која го поврзува Призрен со Тетово е договор меѓу нашите влади од заедничката средба, потпишан од двајцата премиери, од мене и мојот македонски колега Ковачевсли, затоа посакуваме оваа физибилити студија да се збогати поскоро со работа и реализација на овој проект кој е’регионален и помага за развој на двете земји“, вели Албин Курти.
„Ние како локална власт нема да седиме со скрстени раце, ќе ја завршиме нашата работа и ќе придонесеме за развој на овој планински дел од Шара и негов развој и оваа делница да стане важен дел во поврзувањето меѓу Косово и РСМ, односно Тетово и Призрен. Посакуваме и владата на РСМ да се посвети во правец на реализација на патот Тетово-Призрен“, вели Биљал Касами.
реклама
