Одбранбениот фудбалер Калиду Кулибали како историска ја опиша победата на репрезентацијата на Сенегал синоќа во пријателскиот натпревар со Англија.
Средбата во Нотингем заврши со 3:1 за африканската селекција.
– Беше прекрасна вечер! Знаевме дека сме способни да постигнеме успех на овој натпревар. Не сме навикнати на историски моменти, но ова веќе се случи на финалето на Африканскиот куп на нации во 2021 година, а денес го направивме тоа повторно. Посветени сме да го продолжиме развојот на Сенегал и да покажеме дека сме достојна нација, изјави Кулибали за „Би-би-си“.
Репрезентацијата на Сенегал стана првата африканска репрезентација во историјата што ја победила Англија.
Претходно, во натпреварите со африканските репрезентации, репрезентацијата на Англија победи 15 пати, а шест пати ремизираше.
Извор: kurir.mk
