Американскиот медиум „Аксиос“ објави дека Куба има повеќе од 300 воени дронови и дека е дискутирано за нивна можна употреба за напади врз американската база во заливот Гвантанамо, американските бродови во Карибите и најјужната точка на континенталниот дел на САД.
Според извештајот, Куба набавува беспилотни летала за напад од Иран и Русија почнувајќи од 2023 година.
Американските претставници наводно веруваат дека кубанската разузнавачка служба се обидувала да проучи како Иран им се спротивставил на САД за време на претходните конфликти.
Аксиос, исто така, известува, повикувајќи се на американските разузнавачки служби, дека ирански воени советници неодамна биле во Хавана.
Еден американски функционер рече дека фактот што таквата технологија се наоѓа во близина на САД е загрижувачки, особено поради врските на Куба со Иран, Русија и други актери што Вашингтон ги смета за закана.
Кубанците се подготвени за герилска војна Во извештајот, исто така, се наведува дека Русија и Кина наводно имаат шпионски објекти во Куба за собирање разузнавачки информации.
Американските претставници повторија за „Аксиос“ дека Куба нема воена моќ каква што имаше во 1962 година, но предупредуваат дека нејзината близина до САД и соработката со Русија и Иран предизвикуваат загриженост во Вашингтон.
Извор: vecer.mk
