Поради доцнење од еден ден за неисплатена плата, од Конфедерацијата на синдикални организации излегоа пред ЈСП. Побараа од директорот на ЈСП да им ја исплати платата – реагираат дека и еден ден доцнење за вработените е многу.
Рони Ќерими, возач во ЈСП вели дека долго време се трудат да најдат решение со ЈСП, но проблемите не се решаваат, вели 11 години е во претпријатието, но дека секој ден доцнење е неприфатливо за нив. Посочи дека дел од автобусите кои се на терен не се исправни.
Од Конфедерацијата на синдикални организации побараа да се најде заеднички јазик со директорот на ЈСП и да нема повеќе доцнење на платите, и велат дека во иднина нема да толерираат кога се во прашање работниците. Не ја исклучуваат можноста од протест и блокирање на некоја крстосница во Скопје.
Директорот на ЈСП, Драги Кушовски до овој момент не одговори на прашањето зошто им доцни платата еден ден и кога ќе им се исплати платата.
Извор: 24vesti.mk
