Борис Крмов од Левица во емисијата 24 анализа рече дека на претседателските избори биле со кандидат кој не е член на Левица, а кој што го поддржале. Гласачкото тело сфаќа дека во моментов Левица нема доволно сила да има нејзин градоначалник или претседател.
– Левица сака да биде во советите и Парламентот. Очекувам дупло поголем резултат. Тоа е борбата, сакате антиестаблишмент, антисистемска партија и ние одиме сами против сите. Две години сме во медиумска блокада. Истите медиуми кои нас не блокираа го буцнаа Максо, сами против амбасадите и тој балон од ЗНАМ што е сега создаден и ние ќе почекаме уште еден изборен циклус, да пукне. Ние ќе бидеме тука, ќе растеме, додека не се создадат услови и критичка маса за конечно да победиме. – рече Крмов.
Извор: 24vesti.mk
