Кремљ ги обвини балтичките земји за „екстремно агресивен став“ за војната во Украина

Изјавата на Песков дојде еден ден откако американскиот претседател Џо Бајден изјави дека Америка нема да испрати борбени авиони Ф-16 во Украина

Кремљ денеска соопшти дека повиците на Литванија да ѝ се помогне на Украина со испраќање напредни борбени авиони се „доказ за исклучително агресивните ставови“ на балтичките земји.

Портпаролот на Путин, Дмитриј Песков, рече дека „големите европски земји“ треба да се спротивстават на таквите ставови.

Изјавата на Песков дојде еден ден откако американскиот претседател Џо Бајден изјави дека Америка нема да испрати борбени авиони Ф-16 во Украина. Киев неодамна во неколку наврати ги повика своите сојузници да ѝ донираат напредни борбени авиони на Украина за да може да воспостави контрола над нејзиниот воздушен простор.

Бајден: САД нема да испратат борбени авиони Ф16 во Украина

Украинското воено воздухопловство во моментов користи стари советски борбени авиони. „Скај њуз“ потсетува дека извор од британското воено воздухопловство неодамна одговори „никогаш не вели никогаш“ на прашањето за донации на борбени авиони и додаде дека тоа „во моментов не е приоритет“.