На СДСМ не им беше паметно што одат со таа постава што е најодговорна за падот на таа партија во изминатите две години. Убедена сум ако навреме направеа промени на кормилото тоа ќе им донесеше барем пет пратеници повеќе. Кога Љубчо Георгиевски си даде оставка тој рече дека пресметал оти со него на чело ВМРО-ДПМНЕ никогаш нема да има доволно гласови да ги победи СДСМ, вели новинарката Соња Крамарска во емисијата 24 анализа на ТВ 24.
– Тие превирања што се случија во Алијанса за Албанците нема да спласнат туку така. Тој судир е повеќе во албанскиот политички кампус, а не е кому ќе му дадат поддршка во вториот круг. Претседателските избори се генерална проба за парламентарните. СДСМ долго калкулираше кој ќе им биде претседателски кандидат, а Пендаровски одолговлекуваше да каже дали ќе се кандидира. Не верувам дека Пендаровски ќе победи на изборите оти преовладува опозициско расположение, но и само една изјава може да ги пресврти резултатите од анкетите, – вели Крамарска.
Извор: 24vesti.mk
