реклама
Полицијата упаднала на Клиниката за онкологија под сомнение дека некои лекари и медицински персонал тргувале , или краделе од лековите за пациентите кои се лекувале од разни форми на рак и ги продавале на црно. Според информациите кои ги објави „Фокус“, во системот се регистрирани роднини на поранешното раководство на клиниката, кои навистина не се болни од рак, но лековите наменети на нив се препродавани по високи цени. Известување за оваа рација издаде и Обвинителството.
„Припадници на МВР извршија претреси на Клиниката за онкологија, како и на уште две локации во приватни станови во Скопје. Притоа беа одземени компјутери, компјутерски податоци и друга документација, кои ќе бидат предмет на анализа и вештачење. Проверките се прават со цел обезбедување докази за да се испитаат евентуални обележја на кривично дело.“, велат од Јавно Обвинителство.
реклама
Со поддршка за акцијата излезе и министерот за здравство Фатмир Меџити кој рече дека силно ги осудува обидите и дејствијата на поединци или групи кои, како што вели, нанале непоправливи штети на здравјето и животот на пациентите.
„Силна поддршка за акцијата на обвинителството и полицијата на Клиниката за Онкологија. Како министер силно ги осудувам сите обиди или дејствија, на поединци или групи кои преку дискрециони овластувања и начини на носење на одлуки во сопствена корист, направиле ненадоместива штета врз здравјето и животот на пациентите, граѓаните и државата. Очекувам институциите да се произнесат брзо по однос на истрагата.“, вели Меџити.
Според информациите на „Фокус“, половина од терапијата им била дадена на пациентите, а остатокот завршил во Косово. Што се однесува до пациентите кои навреме ја забележале болеста, за да почнат со терапија платиле по 700 евра во готово. Исто така, во оваа клиника се користеле цитостатици со поминат рок, се создавале фиктивни приказни на пријатели и членови на семејството, кои подоцна биле скриени или уништени. Во овие приказни биле откриени и починати луѓе или луѓе кои биле во завршна фаза на болеста, а им биле препишани и големи дози на имунотерапија. Државните ревизори во април годинава го објавија извештајот за работата на Клиниката за 2021 година во кој се забележани пропусти при набавка на биолошка терапија, акцелератор, монополски тендери, лошо планирање на системот за приклучување на пациенти на терапијата, пречекорување на Буџетот за над 10 милиони евра и ненаплатени долгови од речиси 3,5 милиони евра.
реклама
реклама
