По повеќе децении лажни ветувања, денес (12 март 2025 година) започна целосната реконструкција на улицата “Симче Настевски” во населба Радишани.
Градоначалникот на општина Бутел, Дарко Костовски, истакна дека со овој проект се исполнува едно од најголемите барања на граѓаните. Улицата е со должина од 500 метри и површина од 2500 квадратни метри, а нејзината реконструкција ќе обезбеди побезбедно и поквалитетно движење за жителите.
Оваа реконструкција е дел од големата градежна офанзива на општина Бутел, која вклучува обновување на 70 улици во вкупна вредност од 150 милиони денари.
Општина Бутел останува посветена на вложувањата во инфраструктурата и подобрување на животните услови во сите населени места.
