Општина Бутел, на чело со градоначалникот Дарко Костовски, постојано ја покажува својата посветеност кон граѓаните преку реализација на секое дадено ветување. Пролетната акција за косење, чистење и уредување на зелените површини продолжува со силен интензитет во сите населби на општината.
Денес, општинскиот тим беше активен во населбата Скопје Север, каде се работеше на уредување и одржување на зеленилото. Површините околу училиштата, градинките, спортските терени и парковите се косат и чистат, а дрвјата се кастрат со цел да се обезбеди безбедност и естетика во секој агол на општината.
„Се грижиме секој дел од Бутел да биде чист, зелен и уреден. Мојот тим и јас сме на терен секој ден, 24/7, во служба на нашите граѓани,“ напиша градоначалникот Костовски на својата официјална страница на Facebook, нагласувајќи дека ова е само една од многуте иницијативи за подобрување на квалитетот на живот во општината со која раководи.
Според Костовски, оваа акција ќе продолжи и во наредните денови, со цел секоја јавна површина да биде соодветна, безбедна и пријатна за жителите од сите возрасти.
