Adriatik Riza Dosti ka reaguar pas zhvillimeve të fundit në Kosovë, përfshirë zgjedhjen e Justina Shiroka-Pulës në postin e Presidentes dhe miratimin e ligjit të ri për Dhomat e Specializuara.
Dosti ka vlerësuar se me këto zhvillime vendi ka shmangur zgjedhjet e parakohshme dhe thellimin e krizës politike, ndërsa ka shprehur shpresën që institucionet e Kosovës të rikthehen në funksionim normal, në përputhje me Kushtetutën dhe ligjet në fuqi, përcjell “Bota sot”.
Reagimi i plotë
Kosova shmang zgjedhjet e parakohshme e të detyruara.
Shmang thellimin e krizës politike në vend.
Zgjedh Presidenten e re… znj. Justina Shiroka-Pula.
Kuvendi voton edhe ligjin e ri për Specialen.
Shuhen protestat dhe vendi duket se, që nga nesër, do t’i drejtohet normalitetit.
Pas Jahjagës e Osmanit… Pula është presidentja e tretë grua e Kosovës.
Ish-deputetja e PDK-së, ish-ministrja e Energjetikës, pedagogia e Universitetit të Prishtinës, akademikja dhe aktualisht kryetarja e Akademisë së Shkencave të Kosovës… 73-vjeçarja J. Sh. Pula u propozua si kandidate për Presidente të Kosovës nga LVV-ja dhe Albin Kurti.
Në votim ajo mori 81 vota… më shumë se çdo kandidaturë presidenciale e deritanishme e këtyre viteve të fundit për këtë post.
Urime, Kosovë, e dhëntë Zoti ta kesh lënë pas krizën e frikshme politike që desh të nxori komplet nga shinat…
Nga nesër e mbrapa uroj e besoj fort që të gjitha institucionet e tua të funksionojnë normalisht e siç i ka hije një shteti serioz… konform Kushtetutës e ligjeve në fuqi.
Për të mirën tënde, Kosovë, e për të mirën e popullit tënd.
A. R. D.
Burimi: botasot
