Комуникологот Бојан Кордалов во Аргумент плус рече дека во денешно време војната со
информациите и дезинформациите е поголема за разлика од минатото. Според него,
информациите брзо патуваат низ светот и на таков начин помагаат да се креираат
мислења за одредени теми.
„Апсолутно нешто што е дел од војна е војната со информациите и дезинформациите
бидејќи сега и војните се водат преку информациите и разликата од порано до сега е во
тоа што сега може информацијата да го пропатува Светот и затоа сведочиме на многу
информации и дезинформации. Со новите технологии најважно е да се заштитени луѓето,
нивните права и одговорностите за да имаме добар свет инаку вештачката интелигенција
и менувањето на информациите кој се шират наоклу може да наштетат. Инвестиции во
новите технологии не прават само САД, туку и ЕУ и Кина. Војната е сега кој ќе инвестира
повеќе и ќе биде прв во новите технологии“, рече Кордалов.
Тој зборуваше и за тоа дека Макеоднија е потребно да ги следи светските чекори и да
вложува во новите технологии.
„Трамп најави 500 милјари инвестиција во вештачка интелигенција и без регулација не
мислам дека ќе се изведе. Во ЕУ овие акти кои се на сила се нешто ново и нешто кое се
развива. Оваа тема е главна и во ЕУ и во САД а кај нас не е, кај нас уште се дебатира за
стари теми додека за овие теми со кои би можеле да имаме развој никаде ги нема. Мора
да вложуваме и во регулација за нови технологии но и во компании. Дали ќе дојде овие
нови технологии да владеат во светот, јас верувам во чек балансот на системот во САД.
Не велам дека ќе нема предизвици. Разликата меѓу нас и САД е тоа што ние не ги
положуваме тие предизвици“, додаде Кордалов.
Извор: 24vesti.mk
