Кандидатот за градоначалник на општина Битола, Тони Коњановски, денес оствари средба со членовите на Здружението на воени ветерани „БРАТСТВО 2001“. На средбата, Коњановски истакна дека овие храбри луѓе со својата пожртвуваност и патриотизам ја бранеа татковината и дека нивниот придонес кон општеството не смее да биде занемарен.
„Разговаравме за предизвиците со кои се соочуваат ветераните, за нивната улога во општеството и за потребата институциите да им дадат заслужено внимание и поддршка“, рече Коњановски. Тој нагласи дека жртвата на ветераните е жив доказ за љубовта кон Македонија и за значењето на заедништвото, додавајќи дека општеството има обврска нивната жртва никогаш да не биде заборавена.
Средбата беше искрена и пријателска, а Коњановски истакна дека ќе продолжи да се залага за поддршка и подобрување на условите за воените ветерани во Битола.
