Доктор Андон Чибишев, директор на Клиниката за токсикологија, во објава на Фејсбук предупредува за штетноста на мазутот што се увезувал во Македонија. Тој посочува дека согорувањето на овој енергенс ослободува опасни хемикалии кои ја загадуваат животната средина.
„Една од најтоксичните компоненти е бензенот. Неговото акутно внесување може да биде животозагрозувачко, а долгорочно предизвикува сериозни нарушувања на нервниот систем, процесот на коагулација, работата на срцето, бубрезите, црниот дроб и имунитетот. Исто така, може да го забави менталниот развој и растот кај децата, како и да доведе до крвни заболувања, вклучително и леукемија“, предупредува доктор Чибишев.
ИЗВОР: racin.mk
