Виновниците ги штитите, а невините ги притворате, како да фатам врски да си ги вратам другарите, или се селиме или живи гориме. Ова беа дел од пораките упатени од денешниот протест оддржан во градскиот парк во Кочани каде учесниците побараа правда за катастрофалниот пожар
Нема да се откажеме, правдата ќе ја добиеме, но болката и тагата за загубена цела една генерација нема да исчезне, велат жителите на Кочани
Учесниците побараа ослободување на обезбедувањето на дискотеката и притворање на вистинските виновници – кои како што посочија се луѓе од институциите на системот.
По завршувањето на протестот граѓаните продолжија да маршираат низ централното градско подрачје носејќи ги транспарентните со трогателни содржини. Протеститие ќе продолжат и во наредните денови.
Извор: 24vesti.mk
