Кличко: Три лица, меѓу кои две деца, загинаа во руски напад рано утринава

Неколку руски ракети беа истрелани врз главниот град на Украина оваа недела

Во воздушен напад на главниот град на Украина рано утринава загинаа три лица, меѓу кои и две деца, соопштија градоначалникот на Киев, Виталиј Кличко и воените власти.

„Три лица загинаа, а четворица се ранети во областа Десњан. Меѓу загинатите во областа Десњан има две деца (5-6 и 12-13 години)“,

објави воената управа на Киев на Телеграм.

Кличко на Телеграм напиша:

„Според првите информации добиени од спасувачките екипи, во тој дел на Киев се пронајдени тројца мртви, меѓу кои две деца, има и четворица ранети“.

Неколку руски ракети беа истрелани врз главниот град на Украина оваа недела.

Во понеделникот жителите на Киев мораа да бараат засолниште поради необичен напад во текот на денот.

Масовен руски напад со дронови на Киев