Најголемата и најурбана скопска општина Аеродром ги најави капиталните инвестиции за 2023 година.
Во делот на образование ќе се инвестира во објекти кои сериозно треба да го подигнат квалитетот на образовниот процес и да обезбедат подобри услови за реализација на наставата, велат надлежните.
Во текот на 2023 година во програмата планирана е доградба на две училишта, првото е основното училиште „Блаже Конески“ во населбата Мичурин и второто е ООУ „Гоце Делчев“ во населбата Горно Лисиче. Во делот на социјалната заштита, проблемот со недостаток на места во сместување во детските градинки го решаваме со изградба на две детски градинки. Првата градинка ќе биде во близина на кулите „Џевахир“, а вториот проект предвидува доградба на детската градинка „Пчелка“. Станува збор за два објекти кои ќе бидат енергетски ефикасни и изградени во согласност со сите стандарди за изградба на објекти од ваков тип. Објекти каде дечињата од Аеродром ќе растат во современа, здрава и чиста животна средина, појаснија надлежните.
ИЗВОР: skopjeinfo.mk
