Пејачката Андријана Лазиќ почина во Дубаи, јавуваат српските медиуми.
Според пишувањата на медиумите таа трагично загинала на 10-ти јануари во популарното монденско место, паѓајќи од 24-от кат на една зграда.
Нејзиниот татко Небојша Лазиќ на својот фејсбук-профил објави серија фотографии со Андријана.
View this post on Instagram
„Ќе плачам за тебе додека солзите не пресушат. Засекогаш ќе останеш дел од мојата душа, тато ќе те сака до последниот ден од својот живот“, напиша тој во описот на објавата.
Претходно, Небојша објави уште една проштална порака.
„Мојата единица, малиот адвокат на тато, утрово отиде кај ангелите. Ти донесе радост во мојот живот на 2 ноември 1995 година кога се роди. Сите секогаш велеа „Анчи е на тебе“. Ти викав љубезно, а понекогаш и револтирано, мало мое адвокатче! Многумина молчеа и денес молчат кога зборувам, а ти како лавица се бореше да бидеш копија на татка си! Често те критикував, бидејќи секогаш ти посакував се најдобро и многу те сакав“, пишува тој.
„Жал ми е за секој повишен тон, за било што, извини, секогаш ти посакував само најдобро! Затоа што татковците се секогаш особено слаби на ќерките! Знаев кога ќе те погледнев како си, дали си расположена, тажна или лута! Велат, на малите деца им е гајле! А реалноста е-големи деца, големи грижи! Можеби премногу се грижев за тебе, па набрзина реагирав, таков ми е темпераментот! Знам дека имаше добрина и сакаше да им помогнеш на сите! Загубата е страшна! Болна! Немерлива! Неопислива! Многу би сакал да си овде, да ме нервираш секој ден од мојот живот, само да си тука! Се радував кога дипломираше, кога стана полнолетна, возрасна! Сè се смени утрово! Мојот живот, животот на мајка ти, животот на Стефи и Том никогаш повеќе нема да биде ист! Никој не може да го надомести суровиот факт што повеќе не си со нас! Не знам дали и како ќе имаме сила да продолжиме. Ќе се обидеме со надеж дека си го нашла својот мир и дека ангелите те чуваат“, завршува Небојша.
Андријана е од Бјелина, родена на втори ноември 1995 година. Таа неодамна снимила две песни со познатиот композитор Горан Ратковиќ Рале и сакала да започне сериозна музичка кариера.
Според локалните медиуми, таа сакала да патува и често посетувала егзотични дестинации со своите пријатели.
View this post on Instagram
View this post on Instagram
View this post on Instagram
Андријана Лазиќ била дипломиран правник, вработена во Министерството за внатрешни работи на Република Српска.
Извор: kurir.mk
