Грчкиот весник Катимерини денеска го објавува одговорот на грчкото МНР кон изјавата на македоннкиот премиер Мицкоски дадена во Њу Џерси во која говори за „отвореното македонко прашање“. Веднаш потоа следи и коментар во кој се вели:
„Патот на Северна Македонија кон ЕУ останува затворен по вина на нејзиниот премиер, Кристијан Мицкоски, што беше очигледно од неговите неодамнешни непомирливи изјави пред неговите сонародници во Њу Џерси, каде што дури зборуваше за „нерешено и постоечко македонско прашање“. .
Атина вчера директно и прецизно му одговори на господинот Мицкоски.
„Овој настан претставува предизвик за Грција, обидувајќи се да го врати на преден план прашањето што е решено, како што е познато, дефинитивно и неотповикливо.“
Катимерини продолжува со коментар:
Во сегашните околности, Атина нема причина да продолжи дури и со едноставни потези, како што е ратификацијата на трите меморандуми со Северна Македонија што чекаат, а кои се однесуваат на формирање на координативен комитет за економска соработка, техничко решавање на воените аспекти на соработката и олеснување на пристапниот пат на Скопје кон ЕУ.
Доцнењето на ратификацијата на овие меморандуми често може да се користи како аргумент од страна на Северна Македонија, но тоа се детали, особено ако се споредат со опструкционизмот на владата во Скопје за прашања кои се однесуваат на обврската за истакнување на уставното име на згради и услуги поврзани на јавниот и поширокиот јавен сектор. Се потсетува дека проблем бил забележан и со пасошите, бидејќи пред неколку месеци заврши преодниот рок за нивна замена, што им создаде проблеми на неколку патници минатото лето.
Националистичките „круни“ на г-дин Мицкоски, кој ги посети САД во обид да се појави како избраник на претседателот Доналд Трамп, како прва публика ја имаа северномакедонската екстремистичка заедница која, за потсетување, беше на чело на скопското фалсификување на античка историја од самиот почеток.
Згора на тоа, имајќи предвид дека ВМРО-ДПМНЕ, партијата на г. Мицкоски, во суштина е под покровителство на унгарскиот премиер Виктор Орбан, јасно е дека оние што се на власт во Скопје веруваат дека администрацијата на Трамп, врз основа на сето она што е поддржано од нејзините функционери досега, ќе биде многу попријателски за северномакедонските работи. Од европска перспектива, она што загрижува за генералниот став на г. Мицкоски е степенот на проширување на руското влијание во Скопје.
Во својата изјава, г. Мицкоски, покрај референците за „нерешено македонско прашање“, зборуваше и за неговата влада како бранител на „идеалите на Илинден“, односно за востанието од 1903 година кое е референтна точка за етногенезата на славомакедонците и секако точка на триење со Бугарите кои ја сметаат за дел од сопствената историја.
Однесувањето на г. Мицкоски од минатото лето, кога ја презеде функцијата премиер на Северна Македонија, не покажува некои особени флуктуации. Се фокусира на острата националистичка реторика и постојаното преиспитување на Договорот од Преспа.
Ставот на г. Мицкоски беше и главната причина што доведе до одвојување на кандидатурата на Северна Македонија од таа на Албанија, која оди напред.
ИЗВОР: racin.mk
