Обиколницата на Тетово која почна да се гради денеска со поставување камен-темелник ќе биде можност возилата од автопатот наместо да влегуваат во градот преку делницата Требош до Непроштено да продолжат на регионалниот пат од Тетово-Јажинце во правец кон Косово. За да се изгради оваа делница од 5,4 километри ќе се потрошат над 12,2 милиони евра.
Техничкиот премиер Талат Џафери и министрите кои присуствуваа на поставувањето камен-темелник потенцираа дека оваа Влада инвестира рекордни средства за инфраструктура.
„Започнавме со реализација на најголемата капитална инвестиција во историјата на нашата земја, изградбата на Коридорот8 и Коридорот 10-д, европски коридори кои ќе нè поврзат со исток и запад, со што Северна Македонија станува клучен транзитен центар. Овие неколку години изградивме и рехабилитиравме 1400 километри патна мрежа, само во патната инфрасктура вложивме преку 2 милијарди евра“, истакна Џафери.
Извор: 24vesti.mk
