Манчестер Јунајтед се вклучи во трката за потписот на Хвича Кварацхелија. Според „Екип“, идејата на „црвените ѓаволи“ е да му понудат на Наполи трампа во која би го добиле Грузиецот, а Маркус Рашфорд би заминал во Неапол.
Рашфорд сигурно нема да остане на „Олд Трафорд“, но се уште не е јасно дали ќе се најде купувач за него во јануари или разделбата ќе се случи на лето кога ќе му истече договорот. Меѓу кандидатите за англискиот репрезентативец се Милан, Комо и Вест Хем, но сите тие би имале проблем со неговата огромна плата.
Со Кварацхелија ситуацијата е поинаква. Тој е врзан за Наполи до 2027 година, но јасно стави до знаење дека не сака повторно да потпише и сега „партенопеите“ се пред задача да го продадат за што повеќе пари. Веќе се водат преговори со Пари Сен Жермен, а сумата која се споменува е 80 милиони евра.
Според некои извори, Грузиецот е во процес на преговори за личните услови со францускиот гигант. Доколку се пресели во ПСЖ ќе зема 4 пати поголема плата од таа во Наполи.
Извор: kurir.mk
