Бранимир Јовановиќ од Виенски институт во Отворено рече дека царините кои ги најави Трамп се закани кои ќе ги користи за остварување на дополнителни цели. Според него, иако се очекуваше дека ќе ги воведе веднаш штом ќе седне на претседателската фотелја, сепак нејасно и неочекувано е кога ќе станат официјални.
„Неизвесно е кога ќе ги воведе царините и најверојатно на нив гледа како закана или оружје за освојување на повисоки цели. Ако ги прашате економистите како ќе влијаат овие царини на економијата ќе ви кажат дека овие царини ќе влијаат негативно. Ќе ја забават економијата, ќе ја зголемат невработеноста и ќе направи инфлација. Ако ги прашате банкарите ќе ви кажат дека Трамп е добар за нив а тоа е виде и на инаугурацијата бидејќи таму беа и најголемите бизнисмени и банкари“, изјави Јовановиќ и додаде дека Трамп ќе биде добар само за богатите а не и за работничката класа.
Тој рече дека на почеток очекува Трамп да воведе некакви поблаги царини со цел да види како би реагирале земјите кон кои се воведени. Според него, незивесно е и дали најпрво ќе стави царина со ЕУ или Кина.
„Она што гледам до сега е дека ЕУ му праќа знаци на Трамп и му поажува дека сака да се договори , додека пак Кина мудро молчи. Кон Кина Трамп воведе царини и во текот на првиот мандат но Кина не беше толку погодена така што и ако овој пат воведе царини Кина повторно нема да биде многу ефектирана бидјеќи таа сега е отворена кн други пазари. Мислам дека поголеми се шансите да воведе царини кон ЕУ за почеток“, додаде Јовановиќ.
За тоа какво влијание би имале ваквите царини во Македонија, тој појасни дека како и секоја друга балканска економија и македонската би имала големи последици. Јовановиќ смета дека за да се заштити економијата од негативните ефекти потребно е да се смени економскиот пазар и државата да се отвори и кон други пазари.
Извор: 24vesti.mk
