Јаник Синер и Новак Ѓоковиќ се повлекуваат од турнирот во Торонто поради нивните повреди

July 21, 2025
1 min read

Светскиот рекет број 1, Јаник Синер, и 24-кратниот гренд-слем шампион Новак Ѓоковиќ се повлекоа од турнирот „Нешнел банк опен“ во Торонто, околу една недела пред неговиот почеток, соопштија организаторите во неделата. Двајцата тенисери како причина ги навеле своите повреди, објави Спортс илустрејтед.

Од турнирот се откажа и Џек Дрејпер, моментално петти на светската ранг-листа, кој во неделата ја објави својата одлука преку социјалните мрежи.

Синер, кој доаѓа со титула од Вимблдон, ја повредил десната подлактица за време на четвртото коло на турнирот, додека, пак, Ѓоковиќ се справува со проблем во препоните. Од друга страна, Дрејпер има проблем со левата рака, поради што ќе го пропушти и Мастерсот во Синсинати.

Ѓоковиќ досега четирипати го има освоено турнирот во Торонто, а Синер ја освои својата прва титула токму таму, во 2023 година.

Со откажувањето на Синер и на Ѓоковиќ, водечка улога кај мажите ќе имаат Карлос Алкараз од Шпанија и Александар Зверев од Германија. Кај жените, во Монтреал, главни ѕвезди ќе бидат Коко Гоф (број 2), Џесика Пегула (број 3) и Ига Швјонтек (број 4). Број 1, Арина Сабаленка, се повлече претходно оваа недела, наведувајќи дека сака да се одмори и да се подготви за УС Опен кон крајот на месецот.

Извор: kurir.mk

MARKETING

MARKETING

Претходно

Изменет сообраќаен режим во наредните четири дена во Скопје кај кањонот Матка-реката Треска

Следно

Сончево и многу топло, температурите до 40 степени

Latest from Blog

Началникот на Генералштабот на Турција, генерал Ѓурак, се сретна со генерал-мајор Лафчиски во Анкара

АНКАРА (АА) – Началникот на Генералштабот на Турција, генерал Метин Ѓурак, се сретна со началникот на Генералштабот на Република Северна Македонија, генерал-мајор Сашко Лафчиски, известува Анадолу. Генерал Ѓурак со официјална церемонија во

Познати се можните противници на Шкендија и Вардар за 3.коло во евро-куповите

Шампионот Шкендија и куп-освојувачот Вардар ги добија можните противници за 3. коло во Лигата на шампионите, односно Лига Европа, како и Конференциската лига. Во случај Шкендија ја помине Стеауа, тогаш ќе игра

Сириското Министерство за внатрешни работи постигна договор за евакуација на цивилите од покраината Сувејда

ИСТАНБУЛ (АА) – Сириското Министерство за внатрешни работи постигна договор за евакуација на цивилите од покраината Сувејда поради влошената безбедносна состојба, јави државната новинска агенција САНА, пренесува Анадолу. Ахмад ал-Далати, шефот за

СДСМ бара итна ревизија на огласот за образовни асистенти

Министерката Весна Јаневска свесно направи хаос со образовните асистенти – директно на штета на учениците со попреченост и нивните семејства. Наместо да ги продолжи ангажманите на едуцирани, обучени и искусни образовни асистенти
Go toTop