Израелски авион принудно слета во Анталија, дипломатски извори ги негираа тврдењата на израелските медиуми

АНКАРА (АА) – Авионот на израелската авиокомпанија Ел Ал, кој летал од Варшава за Тел Авив, синоќа принудно слета на аеродромот во Анталија.

Откако во израелските медиуми беше објавено дека аеродромските власти во Анталија „одбиле да обезбедат гориво за авионот на израелската компанија“, дипломатски извори изјавија дека таквите тврдења не се точни, јавува Анадолу.

„На авионот му е дозволено итно да слета поради болен патник. Требаше да се обезбеди гориво за авионот, но додека процедурата беше при самиот крај, пилотот одлучи по своја волја да го напушти аеродромот“, наведоа дипломатски извори.

Во некои вести на израелските медиуми се тврдеше дека службениците на аеродромот во Анталија одбиле да дадат гориво на авионот бидејќи се работи за авиокомпанија што лета од Варшава до Тел Авив со седиште во Израел.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.