РАМАЛА (АА) – Израелската војска приведе 32 Палестинци во воените рации денес на окупираниот Западен Брег, пренесува Анадолу.
Палестинското здружение на затвореници соопшти дека приведувањата се случиле во градовите Хеброн, Витлеем, Рамала, Наблус, Тулкарем и Џенин.
Не е наведена причината за приведувањата.
Според невладината организација, од почетокот на оваа година израелската војска привела над 5.000 Палестинци.
Од страна на израелската војска сè уште нема соопштение за приведувањата.
Израелската војска често спроведува опсежни кампањи за приведување Палестинци низ окупираниот Западен Брег и Источен Кудс (Ерусалим) под образложение дека трага по „барани“ Палестинци.
Според палестинските податоци, Израел моментално држи околу 4.780 Палестинци во притвор, меѓу кои речиси 160 деца и 29 жени.
