КУДС (ЕРУСАЛИМ) (АА) – Две ракети се лансирани од Газа кон израелските населби во близина на границата, соопшти денес израелската армија, тврдејќи дека тоа е прв таков напад во речиси два месеци, пренесува Анадолу.
Во соопштението на војската се вели дека по лансирањето на ракетата се огласиле сирени во подрачјето на Кисуфим и Ајн ХаШлоша, во близина на Појасот Газа.
Се наведува дека тоа е прв пат во последните два месеци да се слушнат сирени во јужен Израел.
Меѓутоа, израелските медиуми објавија дека сирените се огласиле во населбите во близина на Газа неколкупати во претходните два месеци, што е спротивно на тврдењата на армијата.
Израелскиот Канал 12 објави дека една од ракетите била пресретната, додека другата паднала на отворен простор без пријавена штета или дополнителни детали.
Непочитувајќи ја резолуцијата на Советот за безбедност на Обединетите нации која повикува на итен прекин на огнот, Израел ја продолжи својата брутална офанзива врз Појасот Газа по нападот на палестинската група Хамас минатиот 7 октомври.
Оттогаш, според локалните здравствени власти, убиени се над 41.800 Палестинци, главно жени и деца, а повеќе од 96.840 се повредени.
Израелската офанзива го расели речиси целото население на територијата, а тековната блокада доведе до сериозен недостиг на храна, чиста вода и лекови.
Израел се соочува со случај за геноцид пред Меѓународниот суд на правдата за неговите акции во Газа.
Извор: Anadolu Agency (AA)
