Репрезентацијата на Италија славеше убедливо со 4:1 на гостувањето во Турција, во меч од второто коло од Лига на нации. Со овој триумф Аѕурите стигнаа до првите бодови во оваа сезона, откако во првото коло загуби од Белгија со 0:2.
Уште во првите половина час Италија стигна до убедливо водство. Бастони погоди во 9 минута за водство од 1:0, а потоа погодија и Фратели и Кајоде, па Аѕурите на полувреме заминаа со водство од 3:0. На почетокот од вториот дел Турција преку Јилмаз намали на 1:3, но брзо потоа погоди Еспозито за 1:4 и на крајот сигурна победа на четирикратниот светски првак.
Во дербито на вечерта, Белгија пред своите навивачи загуби од Франција со 0:1. Моментот на одлука се случи во финишот на средбата кога Мајкл Олисе погоди во 87 минута за три бода на Галските петли. Во оваа група Франција е со максимални шест бодови, пред Белгија и Италија со по три бодови, додека Турција е без бодови.
Во Б сегментот беа одиграни четири меча. Босна и Херцеговина со 4:2 славеше на гости кај Романија, Шведска со 3:1 ја победи Полска, а без голови завршија дуелите меѓу Грузија – Украина и Северна Ирска – Унгарија.
Победнички во Ц сегментот и тоа на гости кај Ерменија се враќа Црна Гора која славеше со 3:2. Летонија и Кипар одиграа без голови.
Извор: sportmanija.mk
