Иранскиот претседател Раиси допатува во официјална посета на Туркије

АНКАРА (АА) – Иранскиот претседател Ебрахим Раиси пристигна во официјална посета на Република Туркије, каде што ќе се состане со својот турски колега Реџеп Таип Ердоган и ќе присуствува на 8. состанок на Советот за турско-иранска соработка на високо ниво, јавува Анадолу.

Авионот со делегацијата на Раиси пристигна на аеродромот Есенбога во Анкара.

Високата иранска делегација беше пречекана од копретседателот на Турско-иранската заедничка економска комисија (KEK) и министерот за млади и спорт на Туркије, Осман Аскин Бак, заменик-гувернерот на Анкара, Метин Селџук, иранскиот министер за нафта, Џавад Овчи, иранскиот амбасадор во Анкара, Мухамед Хасан Хабибулазаде и други официјални лица.

Во официјалните разговори меѓу Ердоган и Реиси се очекува да се зборува за билатералните односи, како и за регионалните прашања, како што се последните случувања во Газа, Ирак, Сирија, Кавказ, Авганистан и војната во Украина.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.