Иран го повика вршителот на работи на Шведска за палењето на Куранот

ТЕХЕРАН (АА) – Иран го повика шведскиот вршител на работи за протест против палењето примерок од Куранот во Шведска, пренесува Анадолу.

Шведскиот претставник беше повикан во Министерството за надворешни работи каде што му е укажано да се спречат навредите на моралните и верските вредности на муслиманите, јави иранската државна новинска агенција ИРНА.

Шведскиот дипломат го потврди противењето на неговата земја на секаква форма на исламофобија, нагласувајќи дека протестот од страна на Техеран ќе го пренесе во Стокхолм.

Лицето идентификувано како Салван Момика во средата запали примерок од Куранот под полициска заштита пред џамија во Стокхолм.

Сквернавењето е темпирано да се совпадне со Курбан бајрам, еден од најголемите исламски верски празници што го одбележуваат муслиманите низ светот.

Актот предизвика голема осуда од исламскиот свет од Туркије, Јордан, Палестина, Саудиска Арабија, Мароко, Ирак, Иран, Пакистан, Сенегал, Мароко и Мавританија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..